ភ្នំពេញ៖ គណបក្សប្រជាជនកម្ពុជា ដែលបានស្រុតចុះកម្លាំងគាំទ្រក្នុងការបោះឆ្នោតថ្មីៗនេះ បានរុះរើគណៈរដ្ឋមន្ត្រីមួយចំនួន ហើយបានតែងតាំងរដ្ឋមន្ត្រីថ្មីចំនួនប្រាំបីរូប។ ដោយឡែករដ្ឋមន្ត្រីចំនួនបីរូបត្រូវផ្លាស់ប្តូរឲ្យកាន់ក្រសួងថ្មី។
យោងតាមឯកសារដែលវីអូអេសំឡេងសហរដ្ឋអាមេរិកទទួលបាននៅថ្ងៃអង្គារនេះ បានឲ្យដឹងថា លោកអូន ព័ន្ធមុនីរ័ត្ន ទីប្រឹក្សាលោកនាយករដ្ឋមន្ត្រីហ៊ុន សែនបានឡើងពីរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុទៅជារដ្ឋមន្ត្រីក្រសួងដដែលនេះជំនួសលោកគាត ឈន់ ដែលក្លាយជាឧបនាយករដ្ឋមន្ត្រីប្រចាំការដោយគ្មានក្រសួងកាន់។
ដោយឡែកលោកអ៊ុក រ៉ាប៊ុន អតីតរដ្ឋលេខាធិការក្រសួងសេដ្ឋកិច្ច ហិរញ្ញវត្ថុឡើងទៅធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទជំនួសលោកច័ន្ទ សារុន។ ហើយលោកចន្ទ័ សារុន ត្រូវធ្វើជាទេសរដ្ឋមន្ត្រីទទួលបន្ទុកបេសកកម្មពិសេសវិញ។
រីឯរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុម្នាក់ទៀតគឺលោកហង់ ជួនណារ៉ុនក្លាយជារដ្ឋមន្ត្រីក្រសួងអប់រំ យុវជន និងកីឡាជំនួសលោកអ៊ឹម សិទ្ធី ដែលក្លាយទៅជាតំណាងរាស្ត្រវិញ។
លោកចម ប្រសិទ្ធ ដែលកាន់តំណែងយូរជារដ្ឋមន្ត្រីក្រសួងពាណិជ្ជកម្ម ត្រូវប្តូរទៅធ្វើជារដ្ឋមន្ត្រីក្រសួងឧស្សាហកម្ម រ៉ែ និងថាមពលវិញ។ ហើយរដ្ឋមន្ត្រីថ្មីសម្រាប់ក្រសួងពាណិជ្ជកម្មគឺលោកស៊ុន ចាន់ថុល អតីតរដ្ឋមន្ត្រីក្រសួងសាធារណការខាងកូតាគណបក្សហ៊្វុនស៊ីនប៉ិច ហើយក្រោយមកបានចុះចូលជាមួយគណបក្សប្រជាជនកម្ពុជា។ រីឯលោកស៊ុយ សែម អតីតរដ្ឋមន្ត្រីក្រសួងឧស្សាហកម្ម ទៅបម្រើការជាតំណាងរាស្ត្រ។
កូនប្រុសរបស់លោកសាយ ឈុំ អគ្គលេខាធិការគណបក្សប្រជាជនកម្ពុជាគឺលោកសាយ សំអាល់ ដែលមានវ័យជាង៣៣ឆ្នាំ ត្រូវតែងតាំងជារដ្ឋមន្រ្តីក្រសួងបរិស្ថានជំនួសលោកម៉ុក ម៉ារ៉េត។ លោកម៉ុក ម៉ារ៉េតនឹងក្លាយជាប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក។
ជាមួយគ្នានេះ លោកប្រាក់ សុខុន អតីតរដ្ឋលេខាធិការទីស្តីការគណៈរដ្ឋមន្ត្រីនិងជាទីប្រឹក្សាលោកនាយករដ្ឋមន្ត្រីហ៊ុន សែន បានចូលកាន់តំណែងរដ្ឋមន្ត្រីក្រសួងប្រៃសណីយ៍ និងទូរគមនាគមន៍ជំនួសលោកសូរ ឃុន។ លោកសូ ឃុនក៏ក្លាយជាតំណាងរាស្ដ្រដែរ។
យោងតាមឯកសារនៃសមាសភាពរដ្ឋាភិបាលថ្មីបង្ហាញថា រដ្ឋមន្ត្រីចំនួនពីររូបបានប្តូរក្រសួងគ្នាកាន់គឺលោកអ៊ិត សំហេង ប្តូរពីរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាមកជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជំនួសលោកវង សូតវិញ។ ហើយលោកវង សូតត្រូវទៅអង្គុយកៅអីលោកអ៊ិត សំហេង ជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។
ក្រៅពីនោះ រដ្ឋមន្ត្រីជាងដប់រូបផ្សេងទៀតនៅអង្គុយកៅអីចាស់ដដែល ដូចជាលោក សុខ អាន រដ្ឋមន្ត្រីទីស្តីការគណៈរដ្ឋមន្ត្រី លោក ស ខេង រដ្ឋមន្ត្រីក្រសួងមហាផ្ទៃ លោក ទៀ បាញ់ រដ្ឋមន្ត្រីក្រសួងការពារជាតិ លោក ហោ ណាំហុង រដ្ឋមន្ត្រីក្រសួងការបរទេស លោកជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ លោក ឆាយ ថន រដ្ឋមន្ត្រីក្រសួងផែនការ លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោកលឹម គានហោ រដ្ឋមន្ត្រីក្រសួងធនធានទឹកនិងឧតុនិយម លោក ខៀវ កាញារិទ្ធ រដ្ឋមន្ត្រីក្រសួងព័ត៌មាន លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ លោកម៉ម ប៊ុនហេង រដ្ឋមន្ត្រីក្រសួងសុខាភិបាល លោក ត្រាំ អ៊ីវតឹក រដ្ឋមន្ត្រីក្រសួងសាធារណការ និងដឹកជញ្ជូន លោក ថោង ខុន រដ្ឋមន្ត្រីក្រសួងទេសចរណ៍ លោក មឹន ឃឹន រដ្ឋមន្ត្រីក្រសួងធម្មការនិងសាសនា និងលោកស្រីរដ្ឋមន្ត្រីក្រសួងកិច្ចការនារី អ៊ឹង កន្ថាផាវី ក៏នៅបន្តកាន់កាប់តំណែងដដែលដែរ។
លោកស្រី អ៊ឹង កន្ថាផាវី គឺជារដ្ឋមន្ត្រីមួយរូបក្នុងចំណោមរដ្ឋមន្ត្រីស្ត្រីសរុបចំនួនបីរូបក្នុងរដ្ឋាភិបាលអាណត្តិទី៥នេះ ដែលមានក្រសួងចំនួន២៧ គឺកើនលើសក្រសួងមួយបន្ថែមទៀត ដោយសាររដ្ឋលេខាធិការដ្ឋានមុខងារសាធារណៈ ត្រូវដំឡើងជាក្រសួងមួយថ្មី។
ស្ត្រីកាន់ការជារដ្ឋមន្ត្រីពីររូបទៀតគឺលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជំនួសលោកហ៊ឹម ឆែម។ ហើយលោកស្រី ម៉ែន សំអន ឡើងធ្វើជារដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្រោយពីលោកស្រីធ្លាប់ធ្វើជារដ្ឋមន្ត្រីក្នុងក្រសួងនេះកាលពីរដ្ឋាភិបាលអាណត្តិទី៣។
ក្រៅពីតំណែងរដ្ឋមន្ត្រីក៏មានការរុះរើនិងតែងតាំងរដ្ឋលេខាធិការថ្មីនៅតាមក្រសួងមួយចំនួនដែរ ដូចជាលោកស៊ូ ភិរិន្ទ អតីតអភិបាលខេត្តសៀមរាប ឡើងធ្វើជារដ្ឋលេខាធិការទីស្តីការគណៈរដ្ឋមន្ត្រី លោកពូ សុធីរៈ អតីតរដ្ឋមន្រ្តីក្រសួងឧស្សាហកម្ម រ៉ែនិងថាមពល កូតាគណបក្សហ៊្វុនស៊ីនប៉ិច ក្រោយមកចុះចូលជាមួយគណបក្សប្រជាជនកម្ពុជា ឡើងធ្វើជារដ្ឋលេខាធិការក្រសួងការបរទេស រីឯលោកកៅ គឹមហួន អតីតរដ្ឋលេខាធិការក្រសួងការបរទេសអាណត្តិទី៤ត្រូវធ្វើជារដ្ឋមន្ត្រីប្រតិភូអមនាយករដ្ឋមន្ត្រីវិញ។
លោកជា ចាន់បរិបូណ៍ អតីតរដ្ឋលេខាធិការក្រសួងព័ត៌មានកូតាគណបក្សហ៊្វុនស៊ីនប៉ិចដែលត្រូវដកហូតតំណែង បានឡើងកាន់តួនាទីជារដ្ឋលេខាធិការក្រសួងនេះវិញ ក្រោយពីបានចុះចូលជាមួយគណបក្សប្រជាជនកម្ពុជា។
គណបក្សប្រជាជនកម្ពុជាបានបាត់បង់អាសនៈសភាចំនួន២២ក្នុងការបោះឆ្នោតជ្រើសតាំងតំណាងរាស្ដ្រកាលពីខែកក្កដា។ ហើយក្រុមអ្នកវិភាគមើលឃើញថាគណបក្សនេះត្រូវការធ្វើការកែទម្រង់ផ្ទៃក្នុងរដ្ឋាភិបាលនិងផ្ទៃក្នុងគណបក្សជាច្រើន បន្ទាប់ពីមានការរិះគន់ថា រដ្ឋមន្ត្រីមួយចំនួនបានកាន់កាប់មុខតំណែងច្រើនអាណត្តិ និងបានបង្កើតបក្ខពួក ក្រុមគ្រួសារដឹកនាំនៅក្នុងនោះ។
លោកកែម ឡី អ្នកស្រាវជ្រាវការអភិវឌ្ឃសង្គម មើលឃើញថា ទោះជាមានការរុះរើគណៈរដ្ឋមន្ត្រីក៏ដោយ ក៏ពិបាកនឹងរកប្រសិទ្ធិភាពការងារសម្រាប់រដ្ឋាភិបាលដែរ ប្រសិនបើរដ្ឋមន្ត្រីនិមួយៗ ឬក្រសួងនិមួយៗមិនមានស្វយ័តភាពក្នុងការសម្រេចកិច្ចសំខាន់ៗ ហើយរង់ចាំតែការដាក់បញ្ជានិងអនុសាសន៍ពីនាយករដ្ឋមន្ត្រីនោះ។
«បើសិនជាកំណែទម្រង់ដោយដាក់រដ្ឋមន្ត្រីម្នាក់ អនុរដ្ឋមន្ត្រីម្នាក់(ក្នុងក្រសួងនិមួយៗ)ប្រហែលជាទទួលបានជោគជ័យច្រើន។ ហើយក្រៅពីនោះ យើងប្រើប្រាស់អគ្គនាយក និងប្រធាននាយកដ្ឋានម្នាក់ៗមានប្រសិទ្ធិភាពច្រើនជាង»។
វីអូអេបានព្យាយាមទាក់ទងសុំការបំភ្លឺពីលោកផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្ត្រី និងលោកខៀវ កាញារិទ្ធ អ្នកនាំពាក្យរដ្ឋាភិបាល តែមិនអាចទាក់ទងបានទេនៅថ្ងៃនេះ៕
យោងតាមឯកសារដែលវីអូអេសំឡេងសហរដ្ឋអាមេរិកទទួលបាននៅថ្ងៃអង្គារនេះ បានឲ្យដឹងថា លោកអូន ព័ន្ធមុនីរ័ត្ន ទីប្រឹក្សាលោកនាយករដ្ឋមន្ត្រីហ៊ុន សែនបានឡើងពីរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុទៅជារដ្ឋមន្ត្រីក្រសួងដដែលនេះជំនួសលោកគាត ឈន់ ដែលក្លាយជាឧបនាយករដ្ឋមន្ត្រីប្រចាំការដោយគ្មានក្រសួងកាន់។
ដោយឡែកលោកអ៊ុក រ៉ាប៊ុន អតីតរដ្ឋលេខាធិការក្រសួងសេដ្ឋកិច្ច ហិរញ្ញវត្ថុឡើងទៅធ្វើជារដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទជំនួសលោកច័ន្ទ សារុន។ ហើយលោកចន្ទ័ សារុន ត្រូវធ្វើជាទេសរដ្ឋមន្ត្រីទទួលបន្ទុកបេសកកម្មពិសេសវិញ។
រីឯរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុម្នាក់ទៀតគឺលោកហង់ ជួនណារ៉ុនក្លាយជារដ្ឋមន្ត្រីក្រសួងអប់រំ យុវជន និងកីឡាជំនួសលោកអ៊ឹម សិទ្ធី ដែលក្លាយទៅជាតំណាងរាស្ត្រវិញ។
លោកចម ប្រសិទ្ធ ដែលកាន់តំណែងយូរជារដ្ឋមន្ត្រីក្រសួងពាណិជ្ជកម្ម ត្រូវប្តូរទៅធ្វើជារដ្ឋមន្ត្រីក្រសួងឧស្សាហកម្ម រ៉ែ និងថាមពលវិញ។ ហើយរដ្ឋមន្ត្រីថ្មីសម្រាប់ក្រសួងពាណិជ្ជកម្មគឺលោកស៊ុន ចាន់ថុល អតីតរដ្ឋមន្ត្រីក្រសួងសាធារណការខាងកូតាគណបក្សហ៊្វុនស៊ីនប៉ិច ហើយក្រោយមកបានចុះចូលជាមួយគណបក្សប្រជាជនកម្ពុជា។ រីឯលោកស៊ុយ សែម អតីតរដ្ឋមន្ត្រីក្រសួងឧស្សាហកម្ម ទៅបម្រើការជាតំណាងរាស្ត្រ។
កូនប្រុសរបស់លោកសាយ ឈុំ អគ្គលេខាធិការគណបក្សប្រជាជនកម្ពុជាគឺលោកសាយ សំអាល់ ដែលមានវ័យជាង៣៣ឆ្នាំ ត្រូវតែងតាំងជារដ្ឋមន្រ្តីក្រសួងបរិស្ថានជំនួសលោកម៉ុក ម៉ារ៉េត។ លោកម៉ុក ម៉ារ៉េតនឹងក្លាយជាប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក។
ជាមួយគ្នានេះ លោកប្រាក់ សុខុន អតីតរដ្ឋលេខាធិការទីស្តីការគណៈរដ្ឋមន្ត្រីនិងជាទីប្រឹក្សាលោកនាយករដ្ឋមន្ត្រីហ៊ុន សែន បានចូលកាន់តំណែងរដ្ឋមន្ត្រីក្រសួងប្រៃសណីយ៍ និងទូរគមនាគមន៍ជំនួសលោកសូរ ឃុន។ លោកសូ ឃុនក៏ក្លាយជាតំណាងរាស្ដ្រដែរ។
យោងតាមឯកសារនៃសមាសភាពរដ្ឋាភិបាលថ្មីបង្ហាញថា រដ្ឋមន្ត្រីចំនួនពីររូបបានប្តូរក្រសួងគ្នាកាន់គឺលោកអ៊ិត សំហេង ប្តូរពីរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទាមកជារដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ជំនួសលោកវង សូតវិញ។ ហើយលោកវង សូតត្រូវទៅអង្គុយកៅអីលោកអ៊ិត សំហេង ជារដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។
ក្រៅពីនោះ រដ្ឋមន្ត្រីជាងដប់រូបផ្សេងទៀតនៅអង្គុយកៅអីចាស់ដដែល ដូចជាលោក សុខ អាន រដ្ឋមន្ត្រីទីស្តីការគណៈរដ្ឋមន្ត្រី លោក ស ខេង រដ្ឋមន្ត្រីក្រសួងមហាផ្ទៃ លោក ទៀ បាញ់ រដ្ឋមន្ត្រីក្រសួងការពារជាតិ លោក ហោ ណាំហុង រដ្ឋមន្ត្រីក្រសួងការបរទេស លោកជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ លោក ឆាយ ថន រដ្ឋមន្ត្រីក្រសួងផែនការ លោក អ៊ឹម ឈុនលឹម រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោកលឹម គានហោ រដ្ឋមន្ត្រីក្រសួងធនធានទឹកនិងឧតុនិយម លោក ខៀវ កាញារិទ្ធ រដ្ឋមន្ត្រីក្រសួងព័ត៌មាន លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ លោកម៉ម ប៊ុនហេង រដ្ឋមន្ត្រីក្រសួងសុខាភិបាល លោក ត្រាំ អ៊ីវតឹក រដ្ឋមន្ត្រីក្រសួងសាធារណការ និងដឹកជញ្ជូន លោក ថោង ខុន រដ្ឋមន្ត្រីក្រសួងទេសចរណ៍ លោក មឹន ឃឹន រដ្ឋមន្ត្រីក្រសួងធម្មការនិងសាសនា និងលោកស្រីរដ្ឋមន្ត្រីក្រសួងកិច្ចការនារី អ៊ឹង កន្ថាផាវី ក៏នៅបន្តកាន់កាប់តំណែងដដែលដែរ។
លោកស្រី អ៊ឹង កន្ថាផាវី គឺជារដ្ឋមន្ត្រីមួយរូបក្នុងចំណោមរដ្ឋមន្ត្រីស្ត្រីសរុបចំនួនបីរូបក្នុងរដ្ឋាភិបាលអាណត្តិទី៥នេះ ដែលមានក្រសួងចំនួន២៧ គឺកើនលើសក្រសួងមួយបន្ថែមទៀត ដោយសាររដ្ឋលេខាធិការដ្ឋានមុខងារសាធារណៈ ត្រូវដំឡើងជាក្រសួងមួយថ្មី។
ស្ត្រីកាន់ការជារដ្ឋមន្ត្រីពីររូបទៀតគឺលោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ជំនួសលោកហ៊ឹម ឆែម។ ហើយលោកស្រី ម៉ែន សំអន ឡើងធ្វើជារដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្រោយពីលោកស្រីធ្លាប់ធ្វើជារដ្ឋមន្ត្រីក្នុងក្រសួងនេះកាលពីរដ្ឋាភិបាលអាណត្តិទី៣។
ក្រៅពីតំណែងរដ្ឋមន្ត្រីក៏មានការរុះរើនិងតែងតាំងរដ្ឋលេខាធិការថ្មីនៅតាមក្រសួងមួយចំនួនដែរ ដូចជាលោកស៊ូ ភិរិន្ទ អតីតអភិបាលខេត្តសៀមរាប ឡើងធ្វើជារដ្ឋលេខាធិការទីស្តីការគណៈរដ្ឋមន្ត្រី លោកពូ សុធីរៈ អតីតរដ្ឋមន្រ្តីក្រសួងឧស្សាហកម្ម រ៉ែនិងថាមពល កូតាគណបក្សហ៊្វុនស៊ីនប៉ិច ក្រោយមកចុះចូលជាមួយគណបក្សប្រជាជនកម្ពុជា ឡើងធ្វើជារដ្ឋលេខាធិការក្រសួងការបរទេស រីឯលោកកៅ គឹមហួន អតីតរដ្ឋលេខាធិការក្រសួងការបរទេសអាណត្តិទី៤ត្រូវធ្វើជារដ្ឋមន្ត្រីប្រតិភូអមនាយករដ្ឋមន្ត្រីវិញ។
លោកជា ចាន់បរិបូណ៍ អតីតរដ្ឋលេខាធិការក្រសួងព័ត៌មានកូតាគណបក្សហ៊្វុនស៊ីនប៉ិចដែលត្រូវដកហូតតំណែង បានឡើងកាន់តួនាទីជារដ្ឋលេខាធិការក្រសួងនេះវិញ ក្រោយពីបានចុះចូលជាមួយគណបក្សប្រជាជនកម្ពុជា។
គណបក្សប្រជាជនកម្ពុជាបានបាត់បង់អាសនៈសភាចំនួន២២ក្នុងការបោះឆ្នោតជ្រើសតាំងតំណាងរាស្ដ្រកាលពីខែកក្កដា។ ហើយក្រុមអ្នកវិភាគមើលឃើញថាគណបក្សនេះត្រូវការធ្វើការកែទម្រង់ផ្ទៃក្នុងរដ្ឋាភិបាលនិងផ្ទៃក្នុងគណបក្សជាច្រើន បន្ទាប់ពីមានការរិះគន់ថា រដ្ឋមន្ត្រីមួយចំនួនបានកាន់កាប់មុខតំណែងច្រើនអាណត្តិ និងបានបង្កើតបក្ខពួក ក្រុមគ្រួសារដឹកនាំនៅក្នុងនោះ។
លោកកែម ឡី អ្នកស្រាវជ្រាវការអភិវឌ្ឃសង្គម មើលឃើញថា ទោះជាមានការរុះរើគណៈរដ្ឋមន្ត្រីក៏ដោយ ក៏ពិបាកនឹងរកប្រសិទ្ធិភាពការងារសម្រាប់រដ្ឋាភិបាលដែរ ប្រសិនបើរដ្ឋមន្ត្រីនិមួយៗ ឬក្រសួងនិមួយៗមិនមានស្វយ័តភាពក្នុងការសម្រេចកិច្ចសំខាន់ៗ ហើយរង់ចាំតែការដាក់បញ្ជានិងអនុសាសន៍ពីនាយករដ្ឋមន្ត្រីនោះ។
«បើសិនជាកំណែទម្រង់ដោយដាក់រដ្ឋមន្ត្រីម្នាក់ អនុរដ្ឋមន្ត្រីម្នាក់(ក្នុងក្រសួងនិមួយៗ)ប្រហែលជាទទួលបានជោគជ័យច្រើន។ ហើយក្រៅពីនោះ យើងប្រើប្រាស់អគ្គនាយក និងប្រធាននាយកដ្ឋានម្នាក់ៗមានប្រសិទ្ធិភាពច្រើនជាង»។
វីអូអេបានព្យាយាមទាក់ទងសុំការបំភ្លឺពីលោកផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្ត្រី និងលោកខៀវ កាញារិទ្ធ អ្នកនាំពាក្យរដ្ឋាភិបាល តែមិនអាចទាក់ទងបានទេនៅថ្ងៃនេះ៕
