ភ្នំពេញ៖ សាលាដំបូងរាជធានីភ្នំពេញនៅល្ងាចថ្ងៃច័ន្ទនេះបានចោទប្រកាន់មន្ត្រីកងរាជអាវុធហត្ថម្នាក់និងសម្រេចដោះលែងមន្ត្រីកងរាជអាវុធហត្ថម្នាក់ទៀតពីបទសង្ស័យពាក់ព័ន្ធនឹងការបាញ់លើហ្វូងអ្នកគាំទ្រគណបក្សសង្គ្រោះជាតិកាលពីចុងសប្តាហ៍មុន។
លោកវរសេនីយ៍ឯកឃី គឹមលន់ មន្ត្រីកងរាជអាវុធហត្ថផ្ទៃប្រទេស ដែលមានងារជាឧកញ៉ា ត្រូវចាប់ខ្លួនដោយកងរាជអាវុធហត្ថរាជធានីភ្នំពេញ បន្ទាប់ពីត្រូវបានរកឃើញថា បានបាញ់ជាច្រើនគ្រាប់ទៅលើក្បួនអ្នកឃោសនាស្វែងរកសំឡេងឆ្នោតរបស់គណបក្សសង្គ្រោះជាតិ កាលពីថ្ងៃសុក្រសប្តាហ៍មុននៅពេលដែលក្បួនអ្នកឃោសនានេះបានទៅដល់ផ្ទះរបស់លោក។
ហើយនៅពេលនោះមានការប៉ះទង្គិចពាក្យសម្តីរវាងក្រុមអ្នកហែក្បួនជាមួយនឹងបុគ្គលមួយចំនួននៅក្នុងផ្ទះរបស់ជនជាប់ចោទរូបនេះ ដែលស្រែកគាំទ្រគណបក្សប្រជាជនកម្ពុជាកំពុងកាន់អំណាច។
មានការគប់ដុំថ្មនិងទឹកសុទ្ធដាក់គ្នាទៅវិញទៅមកដែលធ្វើឲ្យរថយន្តចំនួនពីរគ្រឿងនៅក្នុងផ្ទះជនជាប់ចោទបែកកញ្ចក់ខាងក្រោយ។ រីឯក្រុមអ្នកគាំទ្រគណបក្សសង្គ្រោះជាតិក៏ត្រូវរាយការណ៍ថា បានទទួលរងការប៉ះទង្គិចផងដែរ។
ជនសង្ស័យចំនួនបួននាក់ត្រូវចាប់ខ្លួន ក៏ប៉ុន្តែពីរនាក់ត្រូវដោះលែងទៅវិញ។ ដោយឡែកលោកឃី គឺមលន់ និងមន្ត្រីកងរាជអាវុធហត្ថម្នាក់ទៀតមកពីខេត្តកណ្តាល ត្រូវចាប់ខ្លួននិងបញ្ជូនទៅកាន់តុលាការនៅថ្ងៃនេះ។
ព្រះរាជអាជ្ញារងសាលាដំបូងរាជធានីភ្នំពេញ គឺលោកមាស ច័ន្ទពិសិដ្ឋ មានប្រសាសន៍ថា មន្ត្រីកងរាជអាវុធហត្ថមកពីខេត្តកណ្តាលត្រូវបានដោះលែង។ រីឯលោកឃី គឹមលន់ត្រូវចោទប្រកាន់ពីបទប្រើប្រាស់អាវុធខុសច្បាប់ដែលអាចប្រឈមនឹងការទទួលទោសជាប់ពន្ធនាគារពីមួយឆ្នាំទៅបីឆ្នាំ ហើយនិងក្រុមជនមិនស្គាល់មុខត្រូវចោទប្រកាន់ពីបទបំផ្លិចបំផ្លាញទ្រព្យសម្បតិ្ត។ នេះគឺជាការផ្ទុះហិង្សាទ្រង់ទ្រាយធំលើកទីមួយរវាងអ្នកគាំទ្រគណបក្សសង្គ្រោះជាតិ និងអ្នកដែលគេឮថា បានស្រែកគាំទ្រគណបក្សប្រជាជនកម្ពុជា ក្នុងទីក្រុងភ្នំពេញ។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិមិនធ្វើសេចក្តីអត្ថាធិប្បាយច្រើននោះទេ។
លោកមានប្រសាសន៍ថា លោករង់ចាំមើល ថាតើតុលាការនឹងដំណើរការកាត់ក្តីសំណុំរឿងយ៉ាងដូចម្តេច។
លោកយឹម សុវណ្ណបានហៅការបាញ់កាំភ្លើងលើក្រុមអ្នកហែក្បួនគណបក្សរបស់លោកនេះថាជា «ទង្វើខុសច្បាប់និងនាំឲ្យប៉ះពាល់ការបោះឆ្នោតសេរី និងត្រឹមត្រូវ»។
ដោយឡែកលោកចាន់ សាវ៉េត ដែលជាមន្ត្រីស៊ើបអង្កេតជាន់ខ្ពស់របស់សមាគមការពារសិទ្ធិមនុស្សអាដហុក បានស្វាគមន៍ការចោទប្រកាន់របស់តុលាការនេះ។
លោកចាត់ទុកថា ចំណាត់ការនេះនឹងជួយពង្រឹងការអនុវត្តច្បាប់។
គណបក្សចំនួនប្រាំបីកំពុងធ្វើការឃោសនាស្វែងរកសំឡេងឆ្នោតសម្រាប់ការបោះឆ្នោតនៅថ្ងៃទី២៨ខែកក្កដានេះ។
លោកទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត(គ.ជ.ប.)មានប្រសាសន៍ថា មិនមានបណ្តឹងណាមួយទាក់ទងនឹងការបាញ់ក្នុងពេលហែក្បួនរបស់គណបក្សសង្គ្រោះជាតិនេះទេ។
លោកបញ្ជាក់ថា សំណុំរឿងនេះបានធ្លាក់ដល់ដៃតុលាការហើយ គឺមិនស្ថិតក្នុងសមត្ថកិច្ចរបស់គ.ជ.ប. ទៀតទេ៕
លោកវរសេនីយ៍ឯកឃី គឹមលន់ មន្ត្រីកងរាជអាវុធហត្ថផ្ទៃប្រទេស ដែលមានងារជាឧកញ៉ា ត្រូវចាប់ខ្លួនដោយកងរាជអាវុធហត្ថរាជធានីភ្នំពេញ បន្ទាប់ពីត្រូវបានរកឃើញថា បានបាញ់ជាច្រើនគ្រាប់ទៅលើក្បួនអ្នកឃោសនាស្វែងរកសំឡេងឆ្នោតរបស់គណបក្សសង្គ្រោះជាតិ កាលពីថ្ងៃសុក្រសប្តាហ៍មុននៅពេលដែលក្បួនអ្នកឃោសនានេះបានទៅដល់ផ្ទះរបស់លោក។
ហើយនៅពេលនោះមានការប៉ះទង្គិចពាក្យសម្តីរវាងក្រុមអ្នកហែក្បួនជាមួយនឹងបុគ្គលមួយចំនួននៅក្នុងផ្ទះរបស់ជនជាប់ចោទរូបនេះ ដែលស្រែកគាំទ្រគណបក្សប្រជាជនកម្ពុជាកំពុងកាន់អំណាច។
មានការគប់ដុំថ្មនិងទឹកសុទ្ធដាក់គ្នាទៅវិញទៅមកដែលធ្វើឲ្យរថយន្តចំនួនពីរគ្រឿងនៅក្នុងផ្ទះជនជាប់ចោទបែកកញ្ចក់ខាងក្រោយ។ រីឯក្រុមអ្នកគាំទ្រគណបក្សសង្គ្រោះជាតិក៏ត្រូវរាយការណ៍ថា បានទទួលរងការប៉ះទង្គិចផងដែរ។
ជនសង្ស័យចំនួនបួននាក់ត្រូវចាប់ខ្លួន ក៏ប៉ុន្តែពីរនាក់ត្រូវដោះលែងទៅវិញ។ ដោយឡែកលោកឃី គឺមលន់ និងមន្ត្រីកងរាជអាវុធហត្ថម្នាក់ទៀតមកពីខេត្តកណ្តាល ត្រូវចាប់ខ្លួននិងបញ្ជូនទៅកាន់តុលាការនៅថ្ងៃនេះ។
ព្រះរាជអាជ្ញារងសាលាដំបូងរាជធានីភ្នំពេញ គឺលោកមាស ច័ន្ទពិសិដ្ឋ មានប្រសាសន៍ថា មន្ត្រីកងរាជអាវុធហត្ថមកពីខេត្តកណ្តាលត្រូវបានដោះលែង។ រីឯលោកឃី គឹមលន់ត្រូវចោទប្រកាន់ពីបទប្រើប្រាស់អាវុធខុសច្បាប់ដែលអាចប្រឈមនឹងការទទួលទោសជាប់ពន្ធនាគារពីមួយឆ្នាំទៅបីឆ្នាំ ហើយនិងក្រុមជនមិនស្គាល់មុខត្រូវចោទប្រកាន់ពីបទបំផ្លិចបំផ្លាញទ្រព្យសម្បតិ្ត។ នេះគឺជាការផ្ទុះហិង្សាទ្រង់ទ្រាយធំលើកទីមួយរវាងអ្នកគាំទ្រគណបក្សសង្គ្រោះជាតិ និងអ្នកដែលគេឮថា បានស្រែកគាំទ្រគណបក្សប្រជាជនកម្ពុជា ក្នុងទីក្រុងភ្នំពេញ។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិមិនធ្វើសេចក្តីអត្ថាធិប្បាយច្រើននោះទេ។
លោកមានប្រសាសន៍ថា លោករង់ចាំមើល ថាតើតុលាការនឹងដំណើរការកាត់ក្តីសំណុំរឿងយ៉ាងដូចម្តេច។
លោកយឹម សុវណ្ណបានហៅការបាញ់កាំភ្លើងលើក្រុមអ្នកហែក្បួនគណបក្សរបស់លោកនេះថាជា «ទង្វើខុសច្បាប់និងនាំឲ្យប៉ះពាល់ការបោះឆ្នោតសេរី និងត្រឹមត្រូវ»។
ដោយឡែកលោកចាន់ សាវ៉េត ដែលជាមន្ត្រីស៊ើបអង្កេតជាន់ខ្ពស់របស់សមាគមការពារសិទ្ធិមនុស្សអាដហុក បានស្វាគមន៍ការចោទប្រកាន់របស់តុលាការនេះ។
លោកចាត់ទុកថា ចំណាត់ការនេះនឹងជួយពង្រឹងការអនុវត្តច្បាប់។
គណបក្សចំនួនប្រាំបីកំពុងធ្វើការឃោសនាស្វែងរកសំឡេងឆ្នោតសម្រាប់ការបោះឆ្នោតនៅថ្ងៃទី២៨ខែកក្កដានេះ។
លោកទេព នីថា អគ្គលេខាធិការគណៈកម្មាធិការជាតិរៀបចំការបោះឆ្នោត(គ.ជ.ប.)មានប្រសាសន៍ថា មិនមានបណ្តឹងណាមួយទាក់ទងនឹងការបាញ់ក្នុងពេលហែក្បួនរបស់គណបក្សសង្គ្រោះជាតិនេះទេ។
លោកបញ្ជាក់ថា សំណុំរឿងនេះបានធ្លាក់ដល់ដៃតុលាការហើយ គឺមិនស្ថិតក្នុងសមត្ថកិច្ចរបស់គ.ជ.ប. ទៀតទេ៕
