កិច្ចប្រជុំក្នុងវាំងរវាងគណបក្សប្រឆាំងនិងគណបក្សកាន់អំណាចអត់លទ្ធផល
កិច្ចប្រជុំលើកដំបូងក្រោមអធិបតីភាពព្រះមហាក្សត្រដើម្បីទម្លុះទម្លាយវិបត្តិក្រោយពីការបោះឆ្នោតមិនទទួលបានលទ្ធផលល្អប្រសើរទេ។ បន្ទាប់ពីកិច្ចប្រជុំនេះមានរយៈពេលកន្លះម៉ោងតែប៉ុណ្ណោះហើយបានបិទបញ្ចប់ទៅវិញយ៉ាងឆាប់។ ភាគីខាងគណបក្សប្រជាជនកម្ពុជាដឹកនាំដោយលោកហ៊ុន សែន នាយករដ្ឋមន្ត្រីជិតផុតអាណត្តិ និងសហការីរបស់លោកពីរនាក់ផ្សេងទៀតគឺលោកស ខេង និងលោកសាយ ឈុំ។ ចំណែកឯខាងភាគីគណបក្សសង្គ្រោះជាតិដឹកនាំដោយលោកសម រង្ស៊ី ប្រធានគណបក្ស លោកកឹម សុខា អនុប្រធានគណបក្ស និងលោកកួយ ប៊ុនរឿន។ លោកហេង រស្មីរាយការណ៍ពីភ្នំពេញ៕
