ការបោះឆ្នោតបឋម Caucus របស់គណបក្សសាធារណរដ្ឋនៅរដ្ឋ Iowa នឹងចាប់ផ្តើមនៅពាក់កណ្តាលខែមករានេះ ដែលវាជាកម្មវិធីទី ១ នៅក្នុងរដូវកាលនៃការបោះឆ្នោតប្រធានាធិបតីអាមេរិកឆ្នាំ ២០២៤ នេះ។ តើការបោះឆ្នោតបឋម Caucus នេះជាអ្វី ហើយតើវាមានឥទ្ធិពលយ៉ាងណា នៅក្នុងការបោះឆ្នោតជាតិរបស់សហរដ្ឋអាមេរិក? លោក Alex Gendler នៃ VOA ធ្វើក្រាហ្វិកពន្យល់អំពីរឿងនេះ។ កញ្ញាទុំ ម្លិះ ជូនសេចក្តីប្រែសម្រួល៕ កំណត់និពន្ធ៖ អតីតអភិបាលរដ្ឋ New Jersey លោក Chris Christie បាននិយាយកាលពីថ្ងៃពុធថា លោកដកខ្លួនចេញ​ពីការប្រកួតធ្វើជាបេក្ខជនប្រធានាធិបតីពីគណបក្សសាធារណរដ្ឋ ប៉ុន្មានថ្ងៃមុនការបោះឆ្នោតបឋម Caucus នៅរដ្ឋ Iowa ។